客台語專刊

HAKKA THOI-VAN-FA CHON-KHAN

北美台灣客家語文基金 /北美台灣人教授協會聖路易分會

NATPA, ST. LOUIS CHAPTER, P.O. BOX 22, CHESTERFIELD MO 63006

同客家雜誌、台灣公論報、太平洋時報同步發行

第四十三期二○ ○ ○年七月 NO. 43, July, 2000

http://home.i1.net/~alchu/hakka/hakkaf43.htm

Link to: 客台語專刊其他各期
Link to:TAIWANESE HAKKA 台灣客家 (ENGLISH)
Link to:HAKKA TAIWANESE REFERENCE 客台語資料庫

目 錄 ﹕

1） Theu-pai theu-pai ke lien-oi 　
2)  客家話會du20年內消失tet？羅文嘉愛努力推動保存 
3)  客家話報導ke記錄片:「大禾埕」週日晚公視播出
4)  用「功利ge箭」搶救原住民母語有效mo?
5)  報答老友 e 一悉事 （上） 
6)  天烏烏，會落水 （客家、福老和唱）
7)  《全羅馬字漢文版》頭擺頭擺 ke 戀愛


Theu-pai theu-pai ke lien-oi 
(yung Kau-fi Lomasi) ?sia ke; 漢文請看P4尾)

Mi yit-sa-ngin ke lien-oi
Cho-tet thoi-peu heu-sang su: ke kin-giam
Yet hiong poi-mi khon
Yet voi kam-kok chhu:-ka mo chhoi-thiau
Ngiong-pan ke sam-fu phi ngiong-pan ke yen-su:n
Ngiong-pan ke vu-yin ngiam ngiong-pan ke thiam-thong
Chhien-se chu-thin chhok ke
Khiung-yong ke muk-chu
Phien-phien khon hiong an ngang-hok ke su:-kie
Chu chhiong soi-yit-kau siang loi
So-yu ke mung yu-son yu-thiam
Ngi siak ngai sui-su: san-fat chhut loi ke chhoi-fa
Ngai khien ngi khong-hi chu:m-sien mo pan-phiet
Yit-pai lien-oi
To-tai cho-tet yen-chhut yit-to ke yun-miang
Liu-ten ngien-ki yit-thai-pa chai ko loi siong
Chu:-yu ngai ti-tet, chu:-yu ngi ti-tet


客家話會du20年內消失tet？羅文嘉愛努力推動保存                             
採用自記者郭孟君5月29日  ge報導（用台灣通用音標）

	在29日立院教育lau（與）文化委員會議中，立委張福興lau文建會副主
委羅文嘉用客家話一問一答，其他立委大喊聽嘸（m，不）識。29日ge（的）立
法院教育lau文化委員會中，立委張福興為花蓮縣催生設立客家文化會館一事，
要求文建會副主委羅文嘉上台接受詢問。由於兩儕（人）都出身客家族群，當
場就用客語一問一答起來。

	由於在場立委多數m（不）he（是）客家人，當場就有人就喊「聽嘸啦
」（聽不懂），mo（沒）想到an樣（這麼）一喊，hanga（更）突顯出客家語系
du（在）台灣文化中ge弱勢問題。

	羅文嘉du回答時用自家為例，由於羅文嘉一直到青少年時期還du客家村
莊生活成長，因此客家話還做得順利上口；不過gedeu（那些）lau羅文嘉同齡
、但ka（較）早離鄉求學，或親戚年輕一輩出生ge細人，對客家話就感覺到十
分生份。羅文嘉並推算，照an（這）樣下去，不出20年，客家族群就定著面對
語言mo（無）法度傳達ge問題。所以文建會未來也愛努力客家lau其他語系ge 保
存問題。

	面對張福興詢問，總統陳水扁當初he-m-he（是否）因為羅文嘉ge客家
背景，正考慮由佢（他）出任文建會副主委，羅文嘉也bun（給）佢正面ge答覆
。有關花蓮設立客家文化會館一事，羅文嘉已經答應將全力促成。但面對張福
興要求文建會補助一半ge費用，羅文嘉表示，以前已通過中央補助款ge總額為
總經費ge1/3，假使愛要提高到一半，定著有執行上ge困難，愛轉文建會研究討
論過 後再作決定。 


客家話報導ke記錄片:「大禾埕」週日晚公視播出
     （用教會羅馬字音標寫羅馬字，從報紙看到改寫出來）

	公共電視從5月7日起，推出台灣第一部有系統介紹客家創作歌手lau（
及）老歌手ke（的）客家話報導記錄片「大禾埕」。台灣有兩三百萬客家人，
但有關客家人ke節目mo（無）多，「大禾埕」製作人張典婉he（是）客家人，
張典婉講，以前ke客家記錄片注重傳統ke包袱lau歷史，而「大禾埕」則lau（
將）以前ke文字化做影像，用散文風格、優美ke畫面表現出現代客家音樂者ke
身影，lau愛tu（在 ）非主流文化中生存堅持lau努力。

	「大禾埕」節目每週日晚晡頭8點半到9點，tu公視頻道播出，用三段式
介紹客家生活lau音樂，第一部份介紹目前各客家村落中平實愛土地ke客家細人
物，第二單元有系統訪問目前客家音樂工作者，第三單元由苗栗客家老唱片收
集者彭雙松父子提供1960年代、70年代客家老歌唱片、歌 手lau老藝人故事。

	張典婉希望經過「大禾埕」表現出mo（不）共樣ke客家記錄風格，tu拍
攝過程中特別lau報導文學、田野調查資料化做強烈ke畫面來表達「客家mhe（
不是）特別回歸到著藍衫，拿笠嬤ke年代」，tu現代生活中客家人ke新生活觀
lau土地情感已經tiamtiam（悄悄地）用另一種方式表現，也m單淨選舉時，特
別愛用遊行、祭祖正he客家人，應該he各行各業各角落中，用現代方式來當一
名客家人。


用「功利ge箭」搶救原住民母語有效mo?
（用台灣通用音標） 
主要根據原權會部落工作隊寫，報紙或e-mail 所看到ge報導改寫

	台灣新政權ge（的）原住民最高行政首長尤哈尼，du（在）接原民會主
委前幾日，為原住民母語教育指出新方向。
	尤哈尼認為，母語教育愛轉到家庭去，爺oi（姆）愛負最大ge責任，絕
對不能怪學校或政府mo（沒）教。佢講，以前爺oi對母語mo信心，又因為功利
ge觀點，認為學習母語mo用，考試m會考。既然an樣（如此），尤哈尼也愛用「
功利ge箭」去攻打原住民，「m會講母語ge原住民學生，聯考做m得加分。」佢
更認為，國家政策愛配合「功利ge箭」，愛有能力講母語就he原住民身份証ge
概念。

	對於尤哈尼未來原住民政策ge觀點，原權會部落工作隊認為全世界ke少
數民族母語並mo像尤哈尼所講會死會死樣，來看看地理上距離最近ge中國ge少
數民族。中國ge少數民族採用雙語教育，細人入小學到三年級前，學校只採用
母語教育，四年級正開始教漢語﹝普通話﹞，an（這）樣ge少數民族母語教育
政策，為細人定了盡好ge母語基楚。中國早早就建立完整ge少數民族教育系統
，從民族小學、中學、民族學院、民族大學，少數民族教育成熟且完整。Du中
國ge少數民族ge母語並mo會死會死ge感覺。

	原住民ge母語能力出現危機，lia（這）絕對mhe一日造成，樣做得lau
責任推bun（給）原住民家庭，然後用「功利ge箭」就可解決。今晡日，原住民
ge問題出在制定政策ge人常常「見樹不見林」，且大部份ge原住民知識精英又
du心理上向外來強勢文化靠攏。搶救母語ge危機，原住民ge最高行政首長尤哈
尼理應企du台灣原住民族ge立場，向政權討應有ge資源，遽遽建立完整ge原住
民教育系統。不然，就算家庭裹徹底使用母語，但一走出家門即淪陷du外語世
界，效果能有幾多？

	數百年來，台灣ge原住民族du台灣一向he邊陲ge位所。「台灣錢淹腳目
」，買起飛機大炮都用百億千億來算，但是，台灣sa（卻）出m起一間原住民完
全中學ge經費。六、七○年代，台灣經濟起飛，遠洋ge漁工、鷹架上ge建築工
、礦坑ge礦工，原住民付出了代價，為經濟起飛做出了貢獻；九○年代，台灣
有錢le，資本家為了節省成本，追求更多ge利潤，引入外勞，原住民勞工大量
失業。九八年，勞委會辦「勞工失業保險」，但是，lau絕大部份屬「無一定雇
主勞工」ge原住民排除在外。

	Lia（這）兜現象一再表示，解決原住民問題，mhe不能做！he m去做！
Lia讓ngai兜 （我們）懷疑：歷來政權ge主流意識中，原住民ge位所du nai（那
裏）？新政權即成立，勸尤哈尼主委，愛企穩自家原住民族ge立場，看清楚新
政權ge主流意識中原住民ge位所？不然，「民族平等」還he口號，永遠mo法度
實行到政策上。
    

報答老友 e 一悉事 （上） 錢鴻鈞
舊作原文，Internet 看到

(1) 尋鍾肇政 e 毛病	
	講來好笑，ngai（我）看鍾肇政e作品台灣人三部曲，係要尋者（lia,
這）本書e毛 病，係m（不）係佢（他）要為了洗脫台獨份 子e罪嫌，寫兜（teu,
些）好聽 e東西。

	有一擺尋「鍾老大」嬲（liau，閑樂），無意中引起鍾e興趣，分（給
、讓）佢愛談台灣人三部曲寫成e經過，還特別喊ngai要記錄下來，好像係台灣
文學史一段大秘密。害ngai緊張到會死，又沒（mo）帶到錄音機。

	佢寫第一部e時節在1964年名按到台灣人，沒想到登在李萬居e《公論報
》(當時已經被張祥傳lau（跟、和）國泰集團奪去，可能在國民黨e設計下移轉
。)就在試版警總就命令撤出，鍾沒法途繼續寫下去。三萬字e稿，被警總拿去
，鍾親自去討正拿轉來，後來在1967年正有機會發表，第二年寫成。第二部資
料收集困難，沒法途寫下去。

	過了五年從李喬傳來消息，當時李喬熟識一兜外省人所以知立法院有人
講，鍾lau高玉樹等三人係島內台獨三巨頭。加上鍾在《這一代》登e〈燃燒的
地圖〉翻譯稿不准登出，使鍾生活也有問題，就想寫短篇，錢卡（ka,更）快來
，lau台視簽約寫劇本大綱，但一連六部全分退稿。

	者三件事情鬥起來，分鍾非常緊張!佢認定自家旦係（只是）作家，對
政治無能為力，為了保命，只好想一ge辦法，假使在中央日報能發表文章出來
，自家就能安心啦!佢就寫 稿 e ，盡順利刊出 後，睹好（剛好），lau 原構想三
部曲，第三部e背景相同，就無法接等第一部就安排好e人物，在中副又邀稿後
， 寫出第二部《滄溟行》。

	所以ngai還是先讀第三部《插天山之歌》，看鍾有背叛自己e文學理念
，迎合國民黨無。最後ngai認為鍾塑造一個敬業可愛，同（從）日本內地來e警
察。對國民黨e反日教育，痛恨瞧不起心 理，有 ge 強烈 e 對比，鍾筆下 e 日本人
有正面 e地方。

	講起讀鍾肇政e作品，一開始ngai係盡壞心e，當然也要怪佢分ngai恁（
那麼）大e壓力，要ngai者寫字m正e物理生寫大作家e故 事。記得ngai係mo（無
）寫佢lau    ngai講e故 事，因為ngai用捐五萬銀分佢做該（那）客家助選團 e
經費來推走壓力。也為到看佢募款按 （那麼）辛苦，心中m忍，算係還了佢恁看
e 起 ngai e 情份。

(2) 專心做鍾肇政思想 e 研究者

	從1993年2月e客家生活營認識佢開始，大約一年了。大家也知，佢係盡
容易接近  e 人，只要見佢幾擺，就會變成佢e老友。雖然變老友該下（那時候）
ngai自家還看佢係偉大天上e人。ngai受佢e魔力聲望吸引，聽佢講要辦客家社
，ngai就在清華辦客家社，恁樣欣賞佢e待人處事，追隨佢e腳下，一儕人在時
常懷念佢。

	半年前看到佢在整理客家文學，準備出書，桌頂有龍瑛宗e住址，ngai
十分歡喜， 趕緊問，龍瑛宗待在那位？鍾答：「你要做麼該？」ngai 應當要答
，龍用知識份子心靈寫  e 文學作品，接近ngai   e風格。但是ngai卻答： 「佢 lau    
ngai 共樣（同樣）係北埔人啦!」

	鍾m講話，靜靜抄下住址後，就將桌頂散亂e東西收收到籃中，又拿起歸
籃e東西，重重放在另外一個目珠看m到e地方。「呯!」一 聲...。例係一種「行
為語言」吧!ngai感覺到係分兩人 e 談話 m 好分雜物分散忒。
	後來ngai就自自然然，想到做麼該要尋龍瑛宗呢？假使要學習，面前e
人m係最恰當嗎？從來沒一人教ngai按多東西，比如佢一篇「不合時宜」e  文
章就分 ngai 盡大 e 指導。分 ngai寫了 ngai第一篇散文。人常講：「要尋一  ge
人e作品來讀，卡有收成」，ngai何不專心 面對鍾老呢？佢又待ngai屋下附近
，又係全國作家 e 中心。

	到了今日，ngai反省向佢來注意e心血，沒白費，比如近年來ngai所想e
原住民文學 ，母語文學 e 東西佢早就實踐過 le。後來 ngai 要立志做鍾肇政思想
e研究者。

	做麼該係做佢思想e研究者呢？因為鍾e作品被人批評沒思想。ngai    m服
氣。連彭瑞金、黃娟作評論，也一再強調鍾e作品盡（很）多盡多，就恁樣講定
定（而已），沒從文學e角度批評，好像鍾真經（真正）沒思想、沒 優點，只係
大本。

	一方面ngai者e人，也係「思想」不離口，ngai就想一ge人m可能沒思想
，來研究鍾e思想， 者角度會有成果。

	一擺在載佢上台北e車頂，沿路看到九座寮、筆架山，ngai就lau佢談到
《魯冰花》，佢講到50年代當時e女作家辭藻豐富m係文學e內容；ngai又一面倒
，講佢係台灣新文學e第一人，佢講日本時代就有台灣文學le。佢又講鍾理和也
早有台灣人三部曲 e 構想；最後 ngai 問到佢作品思想e問題，佢講佢e思想確實
卡薄，又講，但文學並m係為思想服務!啊!那為麼該來服務呢？ngai   mo問下去，
旦就只感到頭腦 分「文學並m係為思想服務」者句話像禪話打 一下。

	例下（現在）ngai還係認定佢係台灣e思想家啦!思考台灣一生年（一輩
子），為台 灣思考一 生年。

   (3) 死亡 e 衝擊
	過年前幾日，ngai呀分鍾勾起寫小說e慾望。ngai呀有東西要講出來，
ngai想「死亡」例題目係最有深度e吧!在小小的宿舍中想起例題目來，沒想到
看到了，收集鍾老e書百過 本，影印資料千 過張一堆，假使 ngai死後，樣該煞
（該怎麼辦）呢？

	鍾肇政e東西恁好，ngai死後分屋下e人丟到垃圾桶le，想到陳萬益係盡
認真e人， 就捐分台灣研究室吧!希望文學所e人來研究會比ngai卡好。
	又想到藉例機會，做得（可以）向鍾老討文章看，m好自家去尋，恁難
尋。鍾e 文 章係 ngai  e 精神食糧。


 天烏烏，會落水 （客家、福老和唱）	溫星甫
客家﹕     天烏烏，會落水 
	阿哥仔打燈籠尋輔娘
	尋啊尋，尋啊尋
	尋到一位 福老嬤
	實在生趣

福老﹕  天烏烏，要落雨
	阿妹仔舉雨傘尋朋友
	尋啊尋，尋啊尋
	尋到一位客兄哥
	真正趣味

客家﹕  阿哥仔講客話，
	阿妹仔講 福老
	比手拔腳變朋友

客家﹕  阿哥仔教客話
	阿妹仔學客話

福老﹕  阿妹仔教 福老
	阿兄仔學 福老
	兩人相學變相好，變相好

客家﹕  阿哥仔講客話
	阿妹仔講客話

福老﹕  阿妹子講 福老
	阿兄仔講 福老

客家﹕  兩人相講變公婆，變公婆


《全羅馬字漢文版》頭擺頭擺 ke 戀愛     
 M（不）知Ma-sa （誰）寫ke

每一儕人 ke 戀愛
做得代表後生時 ke 經驗
越向背尾看
越會感覺自家無才調
樣般 ke 衫褲配樣般 ke 圓身
樣般 ke 烏蠅粘樣般 ke 甜糖
前世註定著 ke
共樣 ke 目珠
偏偏看向恁硬殼 ke 世界
就像睡一覺醒來
所有 ke 夢有酸有甜
汝惜 ngai 隨時散發出來 ke 才華
Ngai 譴汝匟起針線無半撇
一擺戀愛
到底做得演出幾多 ke 運命
留等年紀一大把再過來想
只有 ngai 知得.  只有汝知得

    ◆單字：
 頭擺：以前
後生：年輕
背尾：後頭
無才調：缺乏才能（S義）
樣般 ke：怎樣的
衫褲：衣褲
磛迭G身體
烏蠅：蒼蠅
註定著：註定的
目珠：眼睛
硬殼：頑固
譴：生氣    
匟起：藏起來
無半撇：沒半點能力
幾多：多少
留等：留到
汝知得：你知道
 



（ 台 灣 客 家 消 息 從 《 客 家 雜 誌 》lau 《六堆風雲》 來 ，
《客家雜誌》一 年 $95， 空運。《六堆風 雲》十二期$50。 係 想 訂
， 請 寄 錢 去 P.O. BOX  22,   CHESTERFIELD ,   MO  63006  (  
paid to  DR. J.Y. CHU) 會 轉 去　

請 贊 助，  請 開 CHECK  分 （ PUN） NATPA，  NON-
PROFIT  ORGANIZATION 
大 名 ﹕ 
_____________________________________________
住 址 ﹕
_____________________________________________
__________________
請 寄 來   NATPA,   P.  O.  BOX   22,   CHESTERFIELD,  MO
63006 或 E-mail : alchu@i1.net 

請 讀 、 請 複 印 、 請 轉 載 、 請 傳 其 他 人 看 、 請 來 稿 、

 請 宣 傳 、 請 支 持 
 《  無 必 要 經 過 同 意 ， 請 複 印, 請 送 分 朋
友 鄉 親 ， 尤 其 希 望 各 客 家 雜 誌 ， 客 家 社
團 同 大 專 客 家 社 的 通 訊 或 會 誌 轉 載 》
___________________________________________________________________ 

Any comment and question,please send to Albert Chu

Link to:HAKKA TAIWANESE NEWSLETTER 客 台 語 專 刊 各 期 
Link to:HAKKA TAIWANESE REFERENCE 客 台 語 資 料 庫 
Link to:TAIWANESE HAKKA 台 灣 客 家
Link to:HOTSYS-HAKSYS 台 文 出 版 系 統

客台語專刊

HAKKA THOI-VAN-FA CHON-KHAN

北美台灣客家語文基金 /北美台灣人教授協會聖路易分會

NATPA, ST. LOUIS CHAPTER, P.O. BOX 22, CHESTERFIELD MO 63006

同客家雜誌、台灣公論報、太平洋時報同步發行

第四十三期二○ ○ ○年七月 NO. 43, July, 2000

http://home.i1.net/~alchu/hakka/hakkaf43.htm

Theu-pai theu-pai ke lien-oi

客家話會du20年內消失tet？羅文嘉愛努力推動保存

客家話報導ke記錄片:「大禾埕」週日晚公視播出

用「功利ge箭」搶救原住民母語有效mo?

報答老友 e 一悉事（上）錢鴻鈞

(1) 尋鍾肇政 e 毛病

(2) 專心做鍾肇政思想 e 研究者

(3) 死亡 e 衝擊

天烏烏，會落水（客家、福老和唱）溫星甫

《全羅馬字漢文版》頭擺頭擺 ke 戀愛

（台灣客家消息從《客家雜誌》lau 《六堆風雲》來，《客家雜誌》一年 $95，空運。《六堆風雲》十二期$50。係想訂，請寄錢去 P.O. BOX 22, CHESTERFIELD , MO 63006 ( paid to DR. J.Y. CHU) 會轉去

請讀、請複印、請轉載、請傳其他人看、請來稿、
請宣傳、請支持

《無必要經過同意，請複印, 請送分朋友鄉親，尤其希望各客家雜誌，客家社團同大專客家社的通訊或會誌轉載》

客 台 語 專 刊

HAKKA THOI-VAN-FA CHON-KHAN

北 美 台 灣 客 家 語 文 基 金 /北 美 台 灣 人 教 授 協 會 聖 路 易 分 會

NATPA, ST. LOUIS CHAPTER, P.O. BOX 22, CHESTERFIELD MO 63006

同 客 家 雜 誌 、台 灣 公 論 報 、太 平 洋 時 報 同 步 發 行

第 四 十 三 期 二○ ○ ○年 七 月 NO. 43, July, 2000

http://home.i1.net/~alchu/hakka/hakkaf43.htm

Theu-pai theu-pai ke lien-oi

客家話會du20年內消失tet？羅文嘉愛努力推動保存

客家話報導ke記錄片:「大禾埕」週日晚公視播出

用「功利ge箭」搶救原住民母語有效mo?

報答老友 e 一悉事 （上） 錢鴻鈞

(1) 尋鍾肇政 e 毛病

(2) 專心做鍾肇政思想 e 研究者

(3) 死亡 e 衝擊

天烏烏，會落水 （客家、福老和唱） 溫星甫

《全羅馬字漢文版》頭擺頭擺 ke 戀愛

（ 台 灣 客 家 消 息 從 《 客 家 雜 誌 》lau 《六堆風雲》 來 ， 《客家雜誌》一 年 $95， 空運。《六堆風 雲》十二期$50。 係 想 訂 ， 請 寄 錢 去 P.O. BOX 22, CHESTERFIELD , MO 63006 ( paid to DR. J.Y. CHU) 會 轉 去

請 讀 、 請 複 印 、 請 轉 載 、 請 傳 其 他 人 看 、 請 來 稿 、 請 宣 傳 、 請 支 持

《 無 必 要 經 過 同 意 ， 請 複 印, 請 送 分 朋 友 鄉 親 ， 尤 其 希 望 各 客 家 雜 誌 ， 客 家 社 團 同 大 專 客 家 社 的 通 訊 或 會 誌 轉 載 》

客台語專刊

北美台灣客家語文基金 /北美台灣人教授協會聖路易分會

同客家雜誌、台灣公論報、太平洋時報同步發行

第四十三期二○ ○ ○年七月 NO. 43, July, 2000

報答老友 e 一悉事（上）錢鴻鈞

天烏烏，會落水（客家、福老和唱）溫星甫

（台灣客家消息從《客家雜誌》lau 《六堆風雲》來，《客家雜誌》一年 $95，空運。《六堆風雲》十二期$50。係想訂，請寄錢去 P.O. BOX 22, CHESTERFIELD , MO 63006 ( paid to DR. J.Y. CHU) 會轉去　

請讀、請複印、請轉載、請傳其他人看、請來稿、
請宣傳、請支持

《無必要經過同意，請複印, 請送分朋友鄉親，尤其希望各客家雜誌，客家社團同大專客家社的通訊或會誌轉載》