客台語專刊

HAKKA THOI-VAN-FA CHON-KHAN

北美台灣人教授協會聖路易分會 /北美台灣客家語文基金

NATAP, ST. LOUIS CHAPTER, P.O. BOX 22, CHESTERFIELD MO 63006

第四期一九九七年四月 NO.4, APRIL, 1997

http://www.i1.net/~alchu/hakka/hakkafa4.htm

Link to: 客台語專刊其他各期
Link to:HAKKA TAIWANESE REFERENCE 客台語資料庫

目 錄 ﹕ 
1) 徵 求 《 台 灣 文 學 名 著 客 台 語 譯 》 
2) 客 台 語 世 界 名 作 ke 另 外 一 篇      陳 鄭 洪 堯
3) 兩 個 客 家 好 朋 友      黃 真 救
4) 歡 喜 看 著 客 台 語 專 刊     胡 民 祥 
5) 掛 紙       阿 瑞 妹 
6) 用 客 家 話 唱 流 行 歌     溫 星 甫        
7) Pun 阿 姆 kai 信       葉 台 宇
8) CANADA PHENG-YU KE SIN     Rev. Paul MaLean
9) LAU NGIP-PUN PHENG-YU THO-LUN    ALBERT CHU  
10) 食 補 （3） : 不 食 補 最 補     邱 真 醫 師
11) 種 菜 樂 ﹕ Ngie 菜     石 光 
12) 客 家 台 灣 人 社 區 kai 消 息 

 徵 求 《 台 灣 文 學 名 著 客 台 語 譯 》 　
	上 期 本 刊 徵 求 用 客 家 台 灣 話 翻 譯 kai（ 的 ）
各 種 世 界 名 著 。 台 灣 文 學 麼 非 常 有 價 值 ， 台 灣 文 學
家 中 ， 客 家 人 不 少 。 最 早 期  kai 賴 和 ， 呂 赫 若 雖 然
係 客 家 底 ， 不 過 ki -兜 （ 他 們 ）無 寫 用 台 灣  客 家 社
區 為 背 景  kai 文 學 作 品 ， 大 家 麼 唔 知  ki-兜 係 客 家 底
。用 日 文 來 寫 台 灣 客 家 社 區 kai 台 灣 文 學 ， 吳 濁 流 、 
龍 瑛 宗  最 先 。 接 等 來 係 用 中 文 來 寫 kai 鍾 理 和 、 鍾 肇 政
、 李 喬 等 等 。 Ki-兜 對 台 灣 文 學 kai 貢 獻 盡 大 。 以 後
客 家 台 灣 文 學 家 盡 多 不 必 詳 細 來 講 。 
	像 吳 濁 流 最 有 名 kai《 無 花 果 》 lau 《 台 灣 連
翹 》 寫 盡 多 客 家 社 區 kai 歷 史 文 化 人 物 。 《 亞 細 亞
kai 孤 兒 》 寫 客 家 台 灣 人 胡 太 明  kai 一 生 。 Ki 寫 kai 短
篇 小 說 。 客 家 台 灣 人 一 看 麼 知 係 寫 頭 擺 客 家 社 區 kai
事 。 Lia-兜 （ 這 些 ）文 學 作 品 雖 然 係 用 日 文 寫 ， 翻
到 中 文 時 ， ngai （ 我 ） 看 到 就 盡 能 認 同 ， 係 能 翻 到
客 家 台 灣 話 ，  一 定 過 kha（ 較 ） 親 切 。 其 他 作 家
kai 作 品 mgai 想 麼 會 共 樣 。 
	本 刊 徵 求 用 客  家 台 灣 話 來 翻 譯 kai 各 種 台 灣
文 學 ， 名 著 不 論 用 奈 種 文 體 全 做 得 。 係 有 人 翻 好 ，
本 刊 願 影 印 出 版 。 自 家 選 作 家 lau 名 著， 愛 自 家 打
字。本 刊 建 議 先 翻 頂 高 提 到 kai 幾 儕 （ sa， 人 ） ， 麼
照  前 衛 出 版 社 出 版 kai 台 灣 作 家 全 集 翻 。請 自 家 去 得
到 原 作 家 kai 同 意 。  本 刊 影 印 最 少 500 份 ，並 分 發 有
興 趣 kai 人 。 翻 譯 者 自 家 徵 求 作 家 kai 同 意 lau 版 權 ，
送 100 本 當 稿 費 。先 請 來 聯 絡 。

  客 台 語 世 界 名 作 ke 另 外 一 篇      陳 鄭 洪 堯  
【下背ke 文章係漢字為主，羅馬字採用教會式，故所海陸、東勢腔ke
 讀者愛特別注意一下。】

以下這隻生趣ke 故事係ngai 替『5% 台文翻譯計畫』翻譯ke 細人古
之一，現下同佢翻做客話pun 大家讀看na le 。原作者係Joseph Jacobs
 (1854-1916)。這ke 名大概對en 台灣人來講有kha 生份。佢係『英國
民間故事會』(English Folk Lore Society) ke 成員，用忒十過年ke 時間收
集lau 整理英國ke 民間故事，在1890 、1894年連續出版兩本安到
『English Fairy Tales 』lau 『More English Fairy Tales』ke 書。肚項ke
 一兜故事這下都已經係世界出名ke 細人古，親像“Jack and the
 Beanstalk ”、“The Story of the Three Little Pigs ”、“The Pied
 Piper”、“The Ugly Duckling ”等等。

Ngai 所翻譯ke 這篇“News ！”係kha 無出名ke 一篇。Ngai 選佢因
為nga 客話能力有限，故所愛選kha 簡單kha 短ke 故事。雖然『客台
灣專刊』ke編輯當無閒，唔過ngai 希望佢teu 做得做一切需要ke 校
對，pun人看e 識。
 
“消息！”
G 先生：Ha！Steward ，ngai-ke 老朋友，恁久好無？屋家ngiong-e ？
Steward ：先生，當壞。山阿鵲死忒le！
G 先生：唉，才過ke 山阿鵲！佢去le 。Ngiong-e 死忒？
Steward ：食忒多，先生。
G 先生：有影恁e ？恁好 (hau) 食。做麼介，佢係食到麼介恁好食？
Steward ：馬仔肉。佢食馬仔肉食到死。
G 先生：做麼介有恁多馬仔肉做得pun 佢食？
Steward ：Ngia 爸所有ke 馬仔，先生。
G 先生：Ha ！無成佢teu全死忒le？
Steward ：HeN ，佢teu做工做到死忒。
G 先生：佢teu 做麼介做工做恁重？
Steward ：為著愛扛水，先生。
G 先生：扛水 ─ 佢teu 扛水做麼介？
Steward ：先生，係為到愛救火。
G 先生：火！麼介火？
Steward ：Ngia 爸ke 屋仔燒忒le。
G 先生：Nga 爸ke 屋仔燒忒le！該ngiong-e 著火ke ？
Steward ：先生，Ngai 看定著係該teu 火把。
G 先生：火把！奈位來ke 火把？
Steward ：Ngia 姆ke 告別式。
G 先生：Ngai-ke 阿姆死忒le？
Steward ：係，佢當才過 ─ 自該時節佢煞唔識過hong 起來le。
G 先生：自幾時？
Steward ：Ngia 爸無忒該時節開始。
G 先生：Nga 爸ma 過身le？
Steward ：HeN ，當冤枉ke 紳士，佢自聽到以後就倒在眠床le。
G 先生：聽到麼介？
Steward ：該隻壞消息。
G 先生：麼介？還kha 多ke 悲慘，kha 多ke 壞消息！
Steward ：著，先生。汝ke 銀行既經失敗le ，汝ke 信用全部無忒，
汝佇歸隻世界唔值一角銀。先生，ngai 大膽為這隻事情來這等汝，
因為ngai想汝會想愛聽這隻消息！

兩 個 客 家 好 朋 友   
   奧太 華 台 語 客 話 學 校   老 師   鄧 文 琴  學 生   黃 真 救                                                                                                  
	以 前  在 台 灣  省 立 農 學 院 （ 中 興 大 學 前 身 ） 農
化 系 ，讀 書 個 時 節 ， Ngai  有 兩 個 特 別 好 個 客 家 朋
友：  姓 劉 lau 姓  陳 。  陳 君 從 苗 栗 來  ， 會 講 海 陸 ， 劉
君 從  屏 東 來 ，會 講 四 縣 客 話 。 陳 君 生 得 較 瘦， 健 強
少 講 話 ；  劉 君 生 得 較 胖，有 口 才 會 外 交 。 
	Ngai 不 會 講 客 家 話 ，平 常 用 日 本 語 或 是 華 語
溝 通 。 兩 個 客 家 朋 友 都 曉 講 福 佬 話 ， 尤 其 劉 君 個 福
佬 話 滿 口 真 流 利 。 陳 君 絕 對 毌 講 福 佬 話 ， 人  想  K i 不
曉 講 福 佬 話 。有 時 對 KI 講 福 佬 話 ，KI 一 定 用 正 確
個 日 本 語 回 答 。 問 題 lau 回 答 真 正 確 ，可 見 陳 君 曉
講 福 佬 話 。 
有 一 擺 Ngai 想 愛 試 看 兩 個 朋 友 到 底 知 幾 多 福 佬 話 。
Ngai 隨 便 講 一 句  （ 內 容 不 記 得 ）， 請 兩 個 朋 友 解 說
。 陳 君 雖 然 罕 得 講 福 佬 話 ，Ki  用 日 本 語 一 句 一 句 翻
譯 到 真 正 確 ；  劉 君 平 常 盡 會 講 福 佬 話 ， 顛 倒 翻 譯 錯
了 。 
	全 班 32 個 同 學 之 中 ， 這 兩 儕 係 Ngai 在 大 學 中
最 好 個 朋 友 。 全 班 有 五 個 客 家 同 學 ， 其 中 有 一 個 是 
曉 講 客 話 個 外 省 人 ， 因 為  Ki  阿 爸 在 苗 栗 國 校 （ 客 家
庄 ） 做 校 長 （ 姓 管 ） 。 陳 君 個 阿 爸 係 耕 茶 園  兼 茶 葉
製 造 工 場 個 頭 家 。 陳 君 當 兵 後 在 苗 栗 農 職 教 書  。 劉
君 個 阿 爸 係 中 醫 生 。 劉 君 lau  ngai 考 到  ” 就 業 考 試
”，  因 為 ” 人 材 下 鄉 ”個 政 策 ，分 上 頭 派 去 縣 市 政
府 做 戶 籍 員 。 我 無 去 報 到 。 政 府 公 函 來 講 ： 未 報 到
者，  以 棄 權 論 ， ngai 轉 去 母 校 做 助 教 。 劉 君 有 去 報
到 ， 做 無 一 個 月 戶 籍 員 上 頭 改 派 去 糖 試 所 發 酵 微 生
物 系 做 助 理 技 師 。 Ki 對 研 究 特 別 有 興 趣 ， 在 學 術 雜
誌 發 表 盡 多 文 章  。 陳 君 在 故 鄉  教 書 ， 結 婚 享 受 天 倫
之 樂 。 Ngai 借 錢 坐 飛 機 來 北 美 做 窮 個 留 學 生 。 
	記 得 有 一 擺 lau  劉 君 去 屏 東 遊 玩 。 兩 儕 去 屏
東 市 場 食 鳥 仔 巴 ， 木 瓜 ， 鱔  魚 麵 等 。 真 好 食 連 舌 麻 
強 強 想 愛 吞 落 去 。 共 下  去 屏 東 農 校 （ 劉 君 個  母 校） 
參 觀 。 淨 利 個 校 園 ， 青 青 個 草 埔 ，當  chiang   個 花 
草 ，  大 王 椰 子樹  ， 榕 樹 ， 檳 榔 樹 ，淨 利 安 靜 個  小 溪
， 有 另 外 一 個  世 界 個 感 覺 。 
	Ngai 離 校 已 經 42 年 ， 這 下 毌 知 兩 個 客 家 好 朋
友 最 近 個 情 況  。 記 得 劉 君 在 35年 前 識 寫 信 仔 來 講 ：
KI 想 愛 來 美 國 深 造 。  忽 然 發 現 基 督 教 個 教 訓 真 有
道 理 。Ki 講 Ki 已 經 做 基 督 徒 了 。 感 謝 主！ 讚 美 主!  
以 後 無 通  信 ， 毌 知 劉 君 陳 君 個 去 向 。 但 願 ngai 在 後
生 時 代 所 建 立 起 來 個  友 情  會 帶 領 兩 儕 前 途 光 明， 
子 孫 滿 堂 ， 年 老 精 神 飽 滿 ， 平 安 快 樂 。
			歡喜看著客台語專刊   胡民祥  
	在陳鄭弘堯kai暗公鳥kai厝，看著客台語專刊創刊號，正月二十一暗麼收著朱
真一教授寄來一份。Pun Ngai想著寫一篇感想，作賀禮。Ngai曾講過：九十年代係台
灣族群母語百花齊放kai時代。在北美洲，福佬台語文早就直直行。Lia ha 看著客台
語專刊發行，Ngai以為台灣人有影創造新時代啦。因為，逐個族群攏踏入來肯定己家
母語kai地位，重視己家kai母語文。
	Ngai特別認同甘景行Kai看法：客家作家多多用客家台灣話創作文學；麼用客
家話來寫信。Ngai麼希望福佬人學習客家話，客家社團開會定著愛用客家話，pun福
佬族群有機會學習。
	Ngai還記得：在1985年美東夏令會，文學家鍾肇政先生用客家話演講kai盛會
。Lia係Ngai第一擺聽客家話，Ngai有了解百分之六十，因為，Ngai知影伊Kai主題係
文學。Ngai聽出有寡話近北京語，麼有寡近福佬語。Ngai kai 看法係：若係有心，
客家話麼盡好學。舊年八月在北美洲第二擺台語文夏令會，參加邱善雄牧師 kai 客
語速成課，學著二十外句Kai客家話，證明Ngai kai 看法無唔著。學生時代學著一句
：細妹恁靚。Lia ha 有二十外句：恁仔細、承蒙你、入來坐、來聊、Ngai煞唔記得
上姓大名、Ngi oi hi nai-vi? (你要去那位？) Ngai oi hi chha-theu (我要去車
頭)…。
	我手內有彭德修牧師kai<<大家來學客家話>>，麼有劉添珍kai<<常用客話字典
>>。最近好朋友林皙陽送Ngai一本漢羅對照Kai<<客語聖經>>，係新約Lau詩篇。Ngai
很欣羡皙陽兄，伊細人時，在客莊大漢，福佬人Kai伊，講得一口純正Kai客語。伊舊
年在美東夏令會，即席翻譯客話 pun 福佬同鄉。
	若有閑，愛多多利用Albert Chu 介紹Kai台灣客家Kai "Web-Sites." Ngai相
信Lia係學習客家話Kai方法之一。
	在一月廿二日，稿寫好，唔敢寄出。因為，頭擺寫客語文， Ngai驚係半客半
福佬。唔過，專刊已有出三期啦，麼係逼 Ngai 己家學客家語文。唔論醜文，pun伊
出了。俗語講：「Sut to lo, hok to lo!」54歲學客家話，麼唔慢啦。
	
掛         紙              阿    瑞   妹 
	今 本 日 看 日 紙 （ 日 曆 ） ， 發 見 到 清 明 節 快 到
le。 台 灣 鄉 親 太 半 tui（ 在 ）lia（ 這 ）日 出 門 掃 墓、 祭 祖 公 。 
	不 過 恩 裡 （ 我 們 ） 客 人 gai（ 的 ） 風 俗 唔 共 樣
。 客 人 掃 墓 祭 祖 公 on-tow （ 叫 做 ） 掛 紙 。 日 子 係 舊
曆 正 月 十 六 （ 月 半 gai 第 二 日 ） ， 訂 做 正 月 十 六 gai
原 因 係 農 業 社 會 gai 時 節 ， 過 年 休 假 到 月 半 chian（ 才
） 結 束 。 Tui（ 在 ） 外 邊 謀 生 gai人 ， 大 體 lia 時 離 開
屋 家 。 出 門 以 前 去 掃 墓 祭 祖 公 ， 時 間 上 ka（ 較 ） 方
便 ， ma （ 也 ） 有 告 別 祖 公 ， 祈 求 祖 公 保 平 安 ， 事 業
順 利 gai 多 種 意 義 。 
	客 人 掃 墓 祭 祖 公 ， 在 墓 碑 掛 墓 頭 紙 ， 垕 土 掛
金 紙 ， 墳 頭 散 布 銀 紙 ， 所 以 on-tow 掛 紙 。 掛 紙 用
gai 祭 品 一 定 用 雞 ， 鵝 鴨 做 唔 得 。 還 愛 做 蟻 粄 、 發 粄
撈 紅 粄 。 Lia兜 （ 這 些 ） 粄 類 在 祭 完 祖 公 以 後 ， 愛 發
pun（ 分 ） 附 近 liao（ 玩 ） gai 細 人 ， Lia 兜 細 人 放 牛
時 節 ， 唔 會 來 破 壞 祖 公 gai 墳 墓 。 
	進 入 工 業 社 會 以 後 ， 客 人 掛 紙 gai 時 間 ， ka 有
彈 性 ， 現 時 月 半 以 後 到 清 明 ， 都 係 客 人 gai 掛 紙 時 節。
_________________________________________________________________ 
（ 編 註 ﹕ 作 者 用  通 俗 性 音 標 ，其 他 文 章 大 部 分 用  
TLPA  、 教 會 羅 馬 字 ，  t = d  ,  th = t  ,  k = g ,  kh = k ,  p = b ,
  ph = p  。 共 樣 讀 得 通 ，
http://www.i1.net/~alchu/hakka/hakkafa.htm 有 一 不 同 系 統 對 照 表 ， 
在 本 會 出 版 《客 家 談 ﹕ 語 言 同 客 家 台 灣 歌 謠 》 麼 有  ） 
	  
用 客 家 話 唱 流 行 歌    溫 星 甫  
	上 兩 期 講 過 用 客 家 話 來 唱 世 界 名 歌 ， 唱 鄧 雨
賢 名 歌， 應 當 he 提 倡 客 家 話 最 好 ke 方 法 之 一 。不 過
從 目 前 台 灣 流 行 歌 ke 情 形 來 看 ， 唱 客 家 流 行 歌 ，對
學 習 客 家 語 言 保 留 最 有 幫 助 。 比 其 他 上 課 、 演 講 比
賽 、 大 人 逼 等 等 全 kha（ 較 ) 有 效 。麼 比 唱 山 歌 民 謠
過 加 有 效 。 
	雖 然 山 歌 、 客 家 小 調 有 不 少 錄 音 帶 ， 麼 有
兜 錄 影 帶 ， 對 後 生 人 mo（ 無 ） 麼 個 效 果 。  Ngai 有 一
擺 從 台 灣 買 轉 來 tshin（ 很 ） 多 客 家 山 歌 kai 錄 音 帶 
送 人 ， 本 來 想 出 國 久 kai 鄉 親 會 tshin 歡 喜 ， 看 來 mo 幾
儕 （ sa， 人 ） 欣 賞 。  可 惜 LASER  DISC 一 直 tshin 少 ， 
兩 年 前 有 《 鄉 音 》 民 謠 專 集 kai  LD 出 版 ， ngai 麼 拿 來
送 人 。  還 背 後 聽 到 人 講 an 難 聽 kai 歌 e。
	最 近 客 家 流 行 歌 開 始 流 行 ， 用 錄 音 帶 外 ，C D 
麼 不 少 ， 音 響 效 果 麼 kha 好 。 今 年 有 兩 張 L D 出 版 ， 
ngai 帶 等 其 中 一 張 去 pun 頭 擺 送 山 歌 錄 音 帶 lau 《 鄉 音
》 民 謠 專 集 kai 朋 友 看 ， 想 m （ 不 ） 到 ki（ 他 ）
tshin 好 ， 開 始 練 習 唱 lia（ 這 ） 兜 流 行 歌 。 Lia 張 L D
lau 《 鄉 音 》 mo 共 樣 ，《  鄉 音 》 客 歌 he 傳 統 ke 山 歌 仔
、 平 板 lau 小 調 ， 講 起 來 he 幾 百 年 、 幾 十 年 前 ke 流 行
歌 ， tshin 多 人 m  熟 ， 聽 起 來 mo 共 鳴 感 ， 不 容 易 認 同。 
	不 過 lia 新 ke 唱 片 ke 歌 仔 he 現 代 人 ke 歌 ， 後
生 人 可 以 認 同 喜 歡 ke 現 代 歌 。 多 少 有 theng （ 跟 ） 時
代 佇 ke 行 。 Lia 新 唱 片 對 客 家 語 言 ke 貢 獻 會 tshin 大 。
您 he 有 興 趣 請 自 家 去 買 ， 客 家 雜 誌 社  lau 客 家 電 台 定
著 有 ， 當 然 麼 可 向 出 版  ke 公 司 買 。 
	1） 《 台 灣 客 家 流 行 金 曲 精 選 輯 1》 漢 興 傳 播
有 限 公 司  新 竹 縣 竹 北 市 中 正 東 路 129 號 ， TEL﹕ 03-
542-9900，  Fax﹕ 03-542-9911
	2） 《 客 家 流 行 歌 曲 暢 銷 金 曲 版 ） 龍 閣 唱 片
， 桃 園 縣 龍 潭 鄉 北 龍 路 59 巷 3 號 ， TEL﹕ 03-470-3222，
FAX﹕ 03-470-3921

 
Pun  阿 姆   Kai  信                 葉 台 宇 
	MA-MA:
	看 羅 馬 字 母 習 慣 mo？ 多 看 幾 擺 以 後 ， 就 會 習 慣 。 
	上 擺 講 過 lau 新 埔 同 鄉 朋 友 ， 大 家 全 用 海 陸 腔
kai 客 家 話 來 講 頭 擺 kai 事 ， 實 在 生 趣 。 細 人 時 代 佇
新 埔 讀 小 學 六 年， 以 後 通 車 去 新 竹 讀 中 學 。留 佇 新
埔 最 多 kai 時 間 he 讀 小 學 lia 幾 年 ， 印 象 還 tshin 深 。
講 到 新 埔 lia 小 學 ，今 年 he 建 校 一 百 週 年 lo。
	 En 屋 家 三 代 佇 lia 讀 過 書 。 姐 公 he 建 校 早 期 老
校 友 （ 第 七 屆 ， 1909 年 畢 業 ） ， ma-ma 您 麼 讀 過 四 年
， 雖 然 以 後 姐 公 換 地 方 作 事 ， mo 佇 lia 畢 業 。 上 擺 二 
弟 轉 新 埔 ， 您 新 埔 同 學 還 講 愛 尋 您 坐 聊 。 Ngai 兜 姐
妹 全 讀 過 ，  全 會 唱 新 埔 小 學 校 kai 校 歌 ， 連 您 麼 會 唱
， 您 唱 he 日 本 文 kai 歌 詞 ， ngai 兜 唱 中 文 歌 詞 ，  曲 共
樣 。 希 望 不 久 有 客 家 話 歌 詞 大 家 來 共 下 唱 。 
	Lia 暇 kai 校 舍 lau 頭 擺 ngai 兜 讀 書 時 完 全 mo 共
樣 le， ngai 上 課 時 he 日 本 時 代 流 下 來 kai 教 室， lia 種
木 造 kai 教 室 怕  三 十 年 前 su: 拆 the  le。 還 tshin 懷 念 該
老 禮 堂 。 Ma-ma 您 讀 小 學 時 ，lia 禮 堂 有 mang? Ngai 細
人 時 ，lia 禮 堂 算 he 新 埔 鎮 上 集 會 好 所 在 ， 常 he 有 遊
藝 會 佇 lia 開 。 還 記 得 小 學 一 年 生 時 練 習  跳 舞 遊 藝
會 愛 表 演 ， 該 暇 he 戰 後 第 二 年 ， 還 he 跳 日 本 歌 《 夕 燒
ke》 。 該 條 日 本 歌 還 tshin 記 得 。 一 年 前 佇 一 朋 友 屋
家 聽 到 lia 條 歌 ， 還 麻 煩 朋 友 錄 該 條 歌 轉 來 。 
	還 記 得 佇 Lia 禮 堂 舉 辦 一 擺  新 竹 縣 kai 話 劇 比
賽 ， ngai 該 暇 m 知 he 一 年 生 ka  he 二 年 生 ， ngai mo 做 ma-
kai ,佇 話 劇 會 thet 時 ， 持 一 枝 牌 e ， 新 埔 國 小得 到 第 三 獎 
樣 ，還 得 到 一 打 非 常 粗 製 kai 鉛 筆 當 獎 品 。鎮 內 kai 小 學
生 間 kai 各 種  比 賽 麼 佇 lia 辦 ， 還 記 得 參 加 過  打 算 盤
比 賽 、 作 文 比 賽 、 合 唱 比 賽 等 等 。 畢 業 典 禮 麼 當 然
佇 禮 堂 舉 辦 ， ngai 還 拿 到 鎮 長 獎 。 大 活 動 佇 lia 舉 辦
外 ， 禮 堂 mo 鎖 ， 底 肚 放 kai 乒 乓 桌 ， he 細 人 時 禮 拜 日
lau 假 日 ngai 兜 常 去 kai 所 在 。 
	二 十 零 年 前 ， lia 木 造 禮 堂 拆 the ， 換 建 lia 暇 
" KHONG-KHU-LIT-TO"  ke 禮 堂 。 Nga i以 後 轉 去 新 埔 鎮 上 麼
看 過 ， 雖 然 tshin  tsiang ， han 非 常 懷 念 頭 擺 ke 老 禮 堂
。不 過 世 界 愛 進 步， 老 東 西 總 he 會 換 thet， 禮 堂 還 he 禮
堂 ，   有 一 擺 轉 去 ， 看 到 老 師 佇 kai 教 細 人 e 跳 舞 ， 就
像 ngai 頭 擺 跳 《 夕 燒 ke》 共 樣 ， lia 點 怕 m 會 變 。 
	Lia  chak（ 個 ） 月 he 清 明 節 ， 您 愛 轉 家 鄉 去 掛
紙 。 新 埔 鎮 上 定 chok 又 mo 共 樣 le。 He 有 時 間 去 新 埔
國 小 行 行 ， 看 有 mak-kai（ 什 麼 ） 變 化 mo？ 希 望 您 旅
途 順 利  ， 麼 
祝 您  逐日 快 樂    ， 身 體 康 健 。                                              
			   			長 男 敬上   
__________________________________

羅 馬 字 客 台 語 Loi-sin lau tho-lun﹕
Yung  Ki-tuk Kau Su:n-kin (HAKKA BIBLE) Lomasu: sia.

1.  一 位 Canada 朋 友（ Rev. Paul McLean) 的 來 信
   Kiung-hi ngi sun-li fat-hang Hak-thoi-ngi Chon-khan.
Ngai song-chak ngiet ya kim-pu-ngit chiap-to. An-chu:-
se. Khon-to an chiang me an yu yi-su:. Ngai song-chak
ngiet ta E-Mail pun ngi, mo hau-ko. Lia-pai ngi ke chhu-
chu: sia tong chhin-chhu, yin-koi cho-tet. 
   Ngai siong, ngi pha fa chhin to su:-kien chong-ho ke-teu
Web-sites. Mo an kien-tan o! Ngi an khoi-fong fon-
ngiang thai-ka yung kok-chung ke sia-fap keu-thung,
ngai siong he chhin ho. Hi-mong tong to ngin voi sia
chu:-liau ya-he vun-chong loi fu-siong ku-li. Ngai an-
ngiong kong, chu:t-chiap kam-kok tong fai-se. Yin-vi thuk 
Pok-su:-pan ke koan-he, su:-kien chhiu m-la loi sia mak-kai. 
Kha yu-han ke su: chang loi, ho mo?
   Ngi an chhut-lit, ta-piang loi chhui-hang Hak-ka-fa lau
Hak-ka vun-fa ke ho kung-chok, su:t-chhai tong kam-
thung. Ngai hi-mong theu-chhien ke lu voi yet-loi yet
sun-li. Ngien chhu:-pi ke Song-ti to su lit-liong pun ngi,
ya chuk-fuk ngi lau ngi vuk-ha-ngin.
With warm regards,
Mak Yuk-tho (Rev. Paul McLean ke Hakka miang)
  
2) Lau Sakai sin-sang tho-lun (Albert Chu)
	Song yit-khi Sakai sin-sang an-ngiong sia: (1)
Lia'-ha chhai Thoi`-van`, kong' Hak-fa ya mo` phu^-pien
ke hian-siong. Hak-fa liu`-thung^ ke khi^-vet han` hap',
han` yu^-han. (2) Tui ngai` ke kin^-ngiam loi` kong',
Hak-ngin` pun'-sin^ tui Hak-fa mo` chu:-sin-kam'. Hak-
ngin` chhin^-chhiong mo` fon^-hi' phet'-ngin` tui ki` kong'
Hak-fa, oi kong' Pet-kin^-fa ya-he Hok'-lo'-fa ! (Tien^-to
he Hok'-lo'-ngin thai-phu-fun chhin fon^-hi' thang^-to'
phet'-ngien` kong' Hok'-lo'-fa) Chung'-he lia' 1, 2 ngien`,
Hak-ngin` tui Hak-fa ke chu:-sin kam' chhiam chhiam loi`
ho' ke
khoan'.

ALBERT CHU ke tho-lun ﹕ Mo-m-chok, Hakka Thoi-van-ngin 
su:t-the (LOST) chhu:-sin-sim. Yin-vi mo chhu:-sin-sim, 
ngin-vi (CONSIDER) Hakka-fa mo chhian-thu(FUTURE).  So-yi
yu Sakai sin-sang kong ke hien-siong (PHENOMENON). Sui-yen, lia he
seu-su chhuk ke pi-oi. M-ko, khi-tha seu-su chhuk su:n-
kung ke li (EXAMPLE) ma yu. Hakka-ngin oi lau ki-teu
hok-sip. Pi Hakka Thoivan-ngin ngin-kheu(POPULATION) pit-li 
(RATIO) ko kha seu ke min-chhuk chhiong NEW ZEALAND ke MAORI lau 
BRITIAN ke WALES, lia liong chhuk ke ngi-ngien chhin yu fat-li
(VITALITY).  Chhui chu-yiau he ki-teu yu chhu:-sin-sim.	
	MAORI ngin chang sam-su:p lang van, chang he
NEW ZEALAND ngin-kheu ke 10%.  MAORI he ngien-chhu-min (ABORINGINE).  
Ki-teu ke ngi-ngien pun-loi chhap-put-to voi seu-met the le. Lia 
ha khoi-su: fui-fuk (RECOVER).  Yin-kuet ke WALES ngin-kheu sam-pak
lang van, lau Thoi-van ke Hakka ngin chhamp-to,  he
chhion Yin-kuet ngin-kheu m-to 5%. Lia ngin-kheu pi-li
pi Thoi-van Hakka-ngin seu chhin to.  MAORI lau
WALES ke ngin chang he "ngang-kiang" (HARD NECK).       
	Ngiong-pan loi fui-fuk Hakka-ngin ke chhu:-sin-sim ne? 
Yu mak-ke ho phan-fat mo? Hiong MAORI lau WALES ngin hok-
sip he Hakka-ngin thai-ka thi-yit oi hi nu-lit ke thi-fon.
Wales yu yit " SOCIETY FOR WELSH LANGUAGE ". Ki-theu
fui-song nu-lit loi thui-hang  WELSH LANGUAGE cho kon-
fon ngi-ngien (OFFICIAL LANGUAGE).  Put-ko Hakka
Thoi-van-ngin chhu:-ka he m kon, m sia, m thu Hakka-
fa, Hakka-fa pian kon-fon ngi-ngien ma mo-yung.
Chhian thai-ka loi khiung-ha siong, yu mak-ke ho fat-thu
loi fui-fuk Hakka Thoi-van-ngin ke chhu:-sin-sim. Chhian
loi sin tho-lun.

食   補 （3)﹕少 食 最 好 ，不 食 補 最 補    邱 真 醫 師  
	上 幾 期 講 過 ，頭 擺 （ 以 前 ） 台 灣 無 真（
tshin） 豐 足 時  ， 無 (mo) 肉 好 食 ， 一 般 人 營 養 尤
其 蛋 白 質 不 （ m）  好 ， 有 肉 好 食 就 是 （ he ） 補 。 細
人 的 （ ke,kai） 時 常 常 講 《 補 冬 補 嘴  空 》 ， 就 是 這
（ lia） 道 理 。 佇（ tu， 在 ） 台 灣 或 北 美 的 台 灣 人 社
區 ， 現 在 無 共 樣 。 大 家 想 樣 般 （ 怎 樣 ） 來 減 輕 身 重
。這  情 形 下 麼 個（ 什 麼 ） 按 到 （ 叫 做 ） 食 補 ？ 真 明
顯 這 時 代 的 食 補 不 是  三 、 四 十 年 前 的 食  補 。 食 補
的  目 標 是 愛 長 命 ， 愛 康 健 ， 愛 少 病 痛 ， 工 作 娛 樂 麼
有 精 神 有 活 力  。  
	上 擺 講 過  食 過 多 VITAMIN  A，胡 蘿 蔔 素 ， 無 一
定  較 （ kha ） 好 ， 有 可 能 有 害 。 食 人 參 食 當 歸 等 等 的
中 藥 麼 無 科 學 上 的 證 據 達 到 頂 高 講 食 補 的 目 標 。 上
擺 麼 講 到 ， 各 種 調 查 發 現 最 有 效 果  第 一 是 多 食 水 果
蔬 菜， 第 二 是 多 運 動 。 這 兩 點 不 論 那 （ nai） 種 研 究
調 查 全 證 實 這 兩 點 結 論 。 最 近 的 報 導 又 講 少 食 最 好 。 
	用 動 物 來 做 實 驗 ， 一 組 老 鼠 自 由 去  食 ，  另 外
幾 組 限 定 食 物 ， 不 過 不 會 營 養 不 良  。 結 果 發 現 食 越
少 該 組 越 長 命 越 健 康 。 不 但 長 命 健 康 ，各 類 實 驗 動
物 麼 較 有 活 力。 不 但 老 鼠 ， 其 他 動 物 麼 有 共 樣 的 現
象 。 人 麼 共 樣 。 
	日 本 人 口 調 查 發 現 一 地 方 人 最 長 命 健 康 ， 這
地 方 較 窮 ，  食 較 少 ， 做 工 較 多 。 食 菜 較 多 肉 較 少 。
原 因 真 多 ， 食 少 可 能 是 長 命 健 康 最 大 的 因 素 。 幾 年
前 ， ARIZONA 有 一 實 驗 ， 一 堆 人 住 (tai) 入 一 人 工 做 的
DOME 中 ， 這 兜 （ 些 ） 人 一 定 愛 自 食 其 力 ， 愛 靠 自 家
種 的 穀 糧 菜 果 ， 自 家 畜 的 家 畜 來 做 糧 食 。 無 真 多 好
食 ，經 常 肚 饑 。  照 伊 兜 （ 他 們 ） 的 經 驗 ， 一 段 時 間
以 後 ，" 卡 路 力 " 雖 少 精 神 反 真 好 。 各 類 檢 驗 麼 證 明
， 伊 兜 佇 DOME 內 的 時 間 比 伊 兜 在 DOME 外 時 間 較 健 康 。 
科 學 家 的 結 論 麼 講 食 少 但 不 營 養 不 良 ， 可 能 是 長 命 
健 康 最 好 的 良 方 。 看 來 這 標 題 講 的 "  不 食 補 最 補 " 真 
有 科 學 的 根 據 。 
	食 東 西 不 好 偏 ， 普 普 通 通 的 果 菜 肉 類 就 真 好
， 少 食 又 較 好 。                       
			（作 者 邱 真 醫 師  麼 係 營 養 學 博 士 �

《 種 菜 樂  》 欄           石   光   主 編       
	前 言 ﹕ 常 常 佇 美 國  聽 人 講 客 家 人 tshin（ 真 ）
會 種 菜 ， 講 實 在 m -he（ 不 是 ） 會 種 ， 客 家 人 kha （ 較
）窮 苦 ， 頭 擺 屋 家 種 菜  有 經 驗 ， 又  kha 做 家 （ 節 儉 ）
。 先 來 提 供 ngai 己 家 ke 看 法 ， 大 家 he 有 kha 好 、 kha 簡
單 ke 方 法 ， 請 來 報 。 種 麼 ke 好 ，  樣 般 種 最 好 。 來 美 國
後 種 菜 種 二 十 年 ，試 種 各 類 不 同 ke 菜 ， 種 來 種 去 最
值 得 ke 菜 照 時 節 來 報 導 。Lia 位 ke 時 節 照 出 版 lia 專 刊
ke St. Louis, Missouri。 
 (一 ) Ngie （ ？ 蟻 ） 菜 （  茼 蒿 ， 春 菊 ） 
	春 分 一 到 ， ngai 就 開 始 翻 土 整 理 菜 園 準 備 種 
冷 作 物 ，佇  St.  Louis，  一 般  白 菜 類 不 管 he 包 心 白 、 
小 白 菜 、  太 菜 （ 姑 腰 菜 ）、 青 光 白  難 種 ，因 為 tshin
快 熱 起 來  ， tshin 快 開 花 老 the，  虫 又 多 。 細 芹 菜 kha 
mo 虫 ， 不 過 大 tshin  慢。種 菜 頭 麼 葉 倒 tshin 會 大，  種
mo 菜 頭 好 食  ，種 來 種 去 最 近 種 ngie 菜 lau 荷 蘭 豆 thin-thin 。 
	種 子 在 所 有 ke 有 賣 東 方 食 物 ke 店 全 買 得 到  。
日 本 人 講  做 《 春 菊 》 ， 福 佬 話 lau 越 南 話 on-to （ 叫
做 ） tan-o。  用 郵 便 來 買 麼 mo 問 題 ， he 有 買 東 方 種 子
ke 公 司 全 有 。 向 各 公 司 買 不 同 ke 試 看 ， 看 nai 種 最 好
。 有 兜 種 子   kha 早 發 ， 有 兜 kha 慢 ， 有 兜 kha 驚 熱 有 兜 
kha 驚 冷 。 試 幾 種 以 後 ， 選 最 適 合 當 地 氣 候 ke 來 種 ， 
以 後 自 家 留 種 。 
	種 子 普 通 直 接 撒 到 菜 園 去 ， 長 大 以 後 m 好 kui 
叢 拔 起 來 ， 捏 主 枝 以 後 ， 旁 枝 會 大 起 來 ， 越 捏 越
大 叢 。 不 過 天 氣 一 熱 起 來 ， 莖 會 拔 高 起 來 ， 葉 片 越
來 越 少 ， 馬 上 會 開 花 ，  莖 葉 變 老 ， 食 m 得 。 花 枯 了
以 後 ， 種 子 留 下 來 ， 秋 天  或 明 年 又 可 種 。 
	
客 家 台 灣 人 社 區 kai 消 息 
1）桃 園 縣 長 補 選 呂 秀 蓮 當 選 ，  新 竹 縣 民 進 黨 提 名 林
光 華  競 選  縣 長 。 
2）新 竹 北 埔 成 立 金 廣 福 文 教 基 金 會 ， 目 標 係 愛 促 進
族 群 融 合 ， 鄉 土 認 同 ， 重 視 古 蹟 ， 同 推 動 北 埔 社 區
活 動 。 好 消 息 。 
3） 苗 栗 頭 屋 鄉 出 版 《 頭 屋 鄉 誌 》 ， 可 向 鄉 公 所 討 。 
4）台 灣 第 一 用 客 家 話 唱 流 行 歌 的 團 體 《 硬 頸 暢 流 音
樂 群 》 成 立 ， 用 新 的 現 代 音 樂  用 客 家 話 來 表 達 現 代
人 的 世 界 。 已 經 有  《 記 得 介 年 寒 天 》 專 輯 出 版 。 又
一 好 消 息 。 
5）六 堆 文 教 基 金 會 開 始 準 備 從 新 修 定 《 六 堆 客 家 鄉
土 誌 》 ， 準 備 2000年 出 版 。 請 期 待 。 
6）台 北 市 台 灣 客 家 公 共 事 務 協 會 出 版 《 客 家 民 俗 文
化 》 ， 由 愛 華 出 版 社 發 行 。 
7）《  客 家 研 究 工 作 會 》 最 近 成 立 ， 由 徐 正 光 、 羅 肇
錦 、 鍾 榮 富 等 教 授 發 起 。  。 
8） 第 三 擺 全 美  台 灣 客 家會 在   今 年 七 月 25-28   tu 
DALLAS 舉 辦 ， 請 大 家 準 備 參 加 。 以 後 會 過 通 知 大
家 。 DALLAS  kai 客 家 會 非 常 煞 猛 準 備 。
9） 南 加 州 出 版 《 客 家 簡 訊 ） ， 內 容 非 常 豐 富 。 由 梁
政 吉， 徐 新 宏  主 編。 應  為 全 國 性 KAI 刊 物 。第 二 期 準
備 四 月 一 日 出 版 ，  請 各 會 送 資 料 去 。 P.O.  BOX  91771
,CITY   OF  INDUSTREY  ,CA 91715, TEL: 818-237-1639

《 《  台 灣 客 家 消 息 從 《 客 家 雜 誌 》 轉 來 ， 這 雜 誌 一
年 $95， 空 運。 係 想 訂 ， 請 寄 錢 去 
P.O. BOX  22,CHESTERFIELD , MO 63006  ( PAID  TO  DR. J.Y. CHU)  轉 》 》 
 
請 讀 、 請 複 印 、 請 轉 載 、 請 傳 其 他 人 看 、 請 來 稿 、

 請 宣 傳 、 請 支 持 

請 來 稿 
	《 客 台 語 專 刊 》 歡 迎 大 家 來 稿 ， 不 論 用 奈 種
KAI 文 體 全 做 得 。 LIA 期 特 別 用 各  種  不 同 KE  文 體 來 寫 。
不 管 奈 種 全 做 得 。 注 音 方 法 請 標 明 用 奈 種 方 法 。請 盡
量 自 家 打 字 ，  NGAI 用 KE 漢 字 WORDPROCESSOR  （ 雙 橋 ） MO
一 定 適 合 大 家 KE 方 法 。 NGAI 對 電 腦 唔 知 ，  MA 請 寄 電 腦
DISK 來 試 看 看 。 請 寄 來 ﹕  NATPA,    P.O.  BOX  22  , 
CHESTERFIELD,  MO  63006
     《  無 必 要 經 過 同 意 ， 請 複 印, 請 送 分 朋
友 鄉 親 ， 尤 其 希 望 各 客 家雜 誌 ， 客 家 社
團 同 大 專 客 家 社 的 通 訊 或 會 誌 轉 載 》
___________________________________________________________________ 

Any comment and question,please send to Albert Chu

Link to:HAKKA TAIWANESE NEWSLETTER #1 客 台 語 專 刊 第 一 期 
Link to:HAKKA TAIWANESE REFERENCE 客 台 語 資 料 庫 
Link to:TAIWANESE HAKKA 台 灣 客 家
Link to:HOTSYS-HAKSYS 台 文 出 版 系 統

客台語專刊

HAKKA THOI-VAN-FA CHON-KHAN

北美台灣人教授協會聖路易分會 /北美台灣客家語文基金

NATAP, ST. LOUIS CHAPTER, P.O. BOX 22, CHESTERFIELD MO 63006

第四期一九九七年四月 NO.4, APRIL, 1997

http://www.i1.net/~alchu/hakka/hakkafa4.htm

徵求《台灣文學名著客台語譯》

客台語世界名作 ke 另外一篇陳鄭洪堯

“消息！”

兩個客家好朋友

奧太華台語客話學校老師鄧文琴學生黃真救

歡喜看著客台語專刊胡民祥

掛紙阿瑞妹

用客家話唱流行歌溫星甫

Pun 阿姆 Kai 信葉台宇

羅馬字客台語 Loi-sin lau tho-lun﹕

1. 一位 Canada 朋友（ Rev. Paul McLean) 的來信

2) Lau Sakai sin-sang tho-lun (Albert Chu)

食補（3)﹕少食最好，不食補最補邱真醫師

《種菜樂》欄石光主編

(一 ) Ngie （？蟻）菜（茼蒿，春菊）

客家台灣人社區 kai 消息

請讀、請複印、請轉載、請傳其他人看、請來稿、
請宣傳、請支持

請來稿

《無必要經過同意，請複印, 請送分朋友鄉親，尤其希望各客家雜誌，客家社團同大專客家社的通訊或會誌轉載》

客 台 語 專 刊

HAKKA THOI-VAN-FA CHON-KHAN

北 美 台 灣 人 教 授 協 會 聖 路 易 分 會 /北 美 台 灣 客 家 語 文 基 金

NATAP, ST. LOUIS CHAPTER, P.O. BOX 22, CHESTERFIELD MO 63006

第 四 期 一 九 九 七 年 四 月 NO.4, APRIL, 1997

http://www.i1.net/~alchu/hakka/hakkafa4.htm

徵 求 《 台 灣 文 學 名 著 客 台 語 譯 》

客 台 語 世 界 名 作 ke 另 外 一 篇 陳 鄭 洪 堯

“消息！”

兩 個 客 家 好 朋 友

奧太 華 台 語 客 話 學 校 老 師 鄧 文 琴 學 生 黃 真 救

歡喜看著客台語專刊 胡民祥

掛 紙 阿 瑞 妹

用 客 家 話 唱 流 行 歌 溫 星 甫

Pun 阿 姆 Kai 信 葉 台 宇

羅 馬 字 客 台 語 Loi-sin lau tho-lun﹕

1. 一 位 Canada 朋 友（ Rev. Paul McLean) 的 來 信

2) Lau Sakai sin-sang tho-lun (Albert Chu)

食 補 （3)﹕少 食 最 好 ，不 食 補 最 補 邱 真 醫 師

《 種 菜 樂 》 欄 石 光 主 編

(一 ) Ngie （ ？ 蟻 ） 菜 （ 茼 蒿 ， 春 菊 ）

客 家 台 灣 人 社 區 kai 消 息

請 讀 、 請 複 印 、 請 轉 載 、 請 傳 其 他 人 看 、 請 來 稿 、 請 宣 傳 、 請 支 持

請 來 稿

《 無 必 要 經 過 同 意 ， 請 複 印, 請 送 分 朋 友 鄉 親 ， 尤 其 希 望 各 客 家雜 誌 ， 客 家 社 團 同 大 專 客 家 社 的 通 訊 或 會 誌 轉 載 》

客台語專刊

北美台灣人教授協會聖路易分會 /北美台灣客家語文基金

第四期一九九七年四月 NO.4, APRIL, 1997

徵求《台灣文學名著客台語譯》　

客台語世界名作 ke 另外一篇陳鄭洪堯

兩個客家好朋友

奧太華台語客話學校老師鄧文琴學生黃真救

歡喜看著客台語專刊胡民祥

掛紙阿瑞妹

用客家話唱流行歌溫星甫

Pun 阿姆 Kai 信葉台宇

羅馬字客台語 Loi-sin lau tho-lun﹕

1. 一位 Canada 朋友（ Rev. Paul McLean) 的來信

食補（3)﹕少食最好，不食補最補邱真醫師

《種菜樂》欄石光主編

(一 ) Ngie （？蟻）菜（茼蒿，春菊）

客家台灣人社區 kai 消息

請讀、請複印、請轉載、請傳其他人看、請來稿、
請宣傳、請支持

請來稿

《無必要經過同意，請複印, 請送分朋友鄉親，尤其希望各客家雜誌，客家社團同大專客家社的通訊或會誌轉載》